فضيحه في مصر !!!

بعد ماأخدنا بطولة افريقيا رجعنا لمهنتنا الإحترافيه " النصب " . الإسبوع الماضي قام أحد المصريين بإنتحال شخصية اللاعب جدو وأجرى إتصال هاتفي بالفنان احمد رزق . سلم عليه وقاللوا إنه محمد ناجي جدو . وإنو بيتصل مخصوص علشان يعزمه على حفله عاملاها محافظة الإسكندريه لتكريم اللاعب .وقاللوا "بس في موضوع تاني بصراحه . إبن عمي عندك في القاهره بيقضي مصلحه ومحتاج مبلغ مالي وطبعا صعب إنو يجي إسكندريه تاني ياخدهم ويرجع . فلو ينفع يعني لو من غير تقاله يعدي عليك تعطيلوا المبلغ إلى أن نتقابل في الحفله وأردهملك " . طبعا وافق الفنان بحسن نيه وعطاهم الفلوس اللي طلبوها . وكرروا العمليه مع المنتج مدحت العدل وبرضه عطاهم . حاولوا يعملوها مع نشوى مصطفى لكن كشفتهم نشوى وبلغت الشرطه بس للأسف ماقدروش يمسكوهم .


الموضوع ده بس علشان نعرف إن كل شعب فيه الحلو و الوحش . مش معنى إن عملية سرقه في الجزائر تفرحنا ونقول إن شعب الجزائر كله حراميه . على فكره إحنا أكتر شعب مشهور بالنصب في العالم . الموضوع اللي جاي إن شاء الله هاجبلكم أمثله عن نصبنا . ههههههه

طيب هات حاجه كويسه تتحببنا في البلد
اللى قربنا نكرهها
مش تجبلي نصب

شكرا ليك

نايس توبيك

بس احنا كده بننشر غسيلنا اللى مش نضيف

وفعلا النصب موجود فى كل حته

شكرا نودي للتعليق . بس أنا كاتب الموضوع ده كرد على موضوع "فضيحه في الجزائر " وعلشان اللي بيته من إزاز ما يحدفش الناس بالطوب يعني مش كل حاجه تحصل في العالم نعلق عليها وأكيد قرأتوا الموضوع .