هام جدا...اوعوا تشربوا البيبسي مع.....؟؟؟
انا الحكاية دي سمعتها من ناس كتير عن ولد كا ن بيشرب بيبسي وهو مع مامته في المترو وبعدين عدى احد الاولاد اللي بيبعوا النعناع فالولد عيط وشبط فيه ومامته استجابت لعياطه وجابتهوله واكل الولد النعناع وشرب معاه البيبسي اللي في ايده وبعدها جاله مغص شديد وقالوا انه مات قبل ما يوصل المشتشفى
طبعا كتير منكم اكيد سمع القصة دي قبل كده
انا بصراحة لما سمعتها مصدقتش وقلت ده تهويل زي ما احنا متعودين من الناس
لكن من كام يوم شفت برنامج على قناة من قنوات الشو تايم وهي قناة discovery scienceوفيها برنامج اسمهmyth bustersوده للي حابة تتاكد من دقة الكلام اللي هاقوله
في البرنامج ده بيعملوا تجارب عن الاشاعات اللي بيسمعهوها من الناس زينا تمام ويشوفوا هي صحيحة ولا لا وفي احد الحلقات كانوا بيعملوا تجربة يضعوا فيها حبة نعناع في زجاجة بيبسي او اي مشروب غازي اخر بس هما استخدموا اللي لونها بني وكمان السفن وطبعا هما ما جابوش زجاجة مكتوب عليها بيبسي هما بس قالوا ان ده مشروب غازي والا كانت شركة بيبسي قلبت عليهم الدنيا
المهم لما حطوا النعناع جوا الكولا حصل انفجار شديد وصل لاكتر من متر ونصف من قوة اندفاع السائل من الزجاجة وده نتيجة تفاعل حصل بين مكونات النعناع ومكونات المشروب الغازي
فتخيلوا ممكن تعمل ايه في معدتنا او امعائنا وده معناه ان قصة الولد اللي مات اللي سمعناها دي احتمال تكون صحيحة فارجو من الجميع تاخدوا بالكم من الموضوع ده انا عارفة ان معظمنا اصلا مقاطعين البيبسي وسائر المنتجات دي بس ده ما يمنعش ان كتير من اولادنا ما زالوا بيشربوها برة البيت حتى لو قلنالهم انها وحشة وخطر وانا لاحظت هنا في السعودية انهم بيستهلكوا المشروبات الغازية دي بكميات كبيرة جدا فارجو منهم انهم ينتبهوا لخطورة الموضوع ده
وربنا يعافينا ويعافي اولادنا[img][/img]